مدونة الشاعر والكاتب عبدالمجيد الزهراني

  دموع   في   عيون   وقحة _____   لو   يضحك   البحر   لي   بعيونه   الوقحة تلقاه   بكرة   مع   الميناء   متواطي يابحر   يابحر   يابحر   افتح   الصفحة واكتب   من   اول   سطر   ،   هذا   الزمن   واطي باشيل   مايك   مع   اسماكه   مع   ملحة وتعال   شل   دمعةٍ   طاحت   على   الشاطي ضامي   لشوفتك   ذابحني   الظما   ذبحة                1️⃣ وشفيك   يابحر   متردد   ومتباطي عطني   وجوه   قبيحة   وأنفُسٍ   سمحة   لاصار   وجه   المبادىء   صار   مطّاطي خذني   معك   يابحر   من   جد   مو   مزحة يا   الأزرق   اليود   ،   ياالمتغطرس   الساطي    خذ   دمع   عيني   وصلّح   به   خرز   سُبحة واذكر   وسبّح   بحزني ...

  اهداء الى روح جدي سعيد الصعيدي رحمه الله قلب ياللّي لاهدك لاهود قلب ياتعبان ياتعبان ما انهوست من العيون السود ولا لعب بك خيط في فستان لاعبٍ بك حظّك المقرود من قديم الوقت لين الآن كلّ بابٍ تطرقه مسدود                 وكلّ بشتٍ تلبسه فقران ليت كسرك مثل كسر العود واكسرك تكسيرة العيدان عزمك الليلة كما المهدود لاسند ظهره على الجدران عذرك انك مفتقد مفقود فاقدينه كلّبوا زهران جعل قبره بارقٍ مرعود تمتلي من سيله الوديان لين يثمر يابس العنقود ف ( المضاحي ) أو في ( الصُعدان ) بوعلي لاغطرف البارود وأشتبك دخّان في دخّان وان شرد ساعد ورى مسعود             او خرع زعطان مع معطان جاك والله سندة المسنود جاك ابو عبدالله الصنيان ينقسم زنده ثلاث زنود وايده اليمنى لعشر أيمان والله انّه فزعة المضهود لاشكى الانسان ظلم انسان ماسكت عن نمردة نمرود أو بلع كلمة طويل لسان ضيفته ضيفة وقوده قود ينقهر لاغابوا الضيفان وان عزم ضيفه على الموجود                    فالعشا خمسة من الطليان ! مطبخه في ...

والاّ ايش ؟ _________ لا مانسيتك يابعد روح من مات فيك ولا سأل : ليش اذكرك في ايش وابوح ؟ اذكرك في ايش والا ايش ؟ في حبنا اللي مات مذبوح ونقول بعد الموت بيعيش ؟ او ضحكتك والصوت مبحوح تخفض لي الجنحان والريش ؟ والا زعلك ان قال : مسموح واسف وسامحني ومعليش ؟ او غرفتك والباب مفتوح كنه يقول تعال بشويش ؟

الدمعة اللي تخبيني تحت رمشها ياحزن تنويمها عيني وتفويقها ياساق ماعاد لك خطوة واقول امشها والارض ياوسعها والنفس ياضيقها هذي طيوري تراوح في مدى عشها مدري طيوري متى بيكون تحليقها ؟ تعبت وانا ارمي الاحزان و اطشها وارجع لتجميع دمعاتي وتفريقها تعبت من كذبة الدنيا ومن غشها مليت تكذيبها ، مليت تصديقها تعبت اسامح بقولة : مشها مشها والطيبة اللي وسط قلبي نشف ريقها

ابغى دقايق وانا وحدي عشان ابكي ماودي ابكي وخلق الله تناظرني اشكي على مين ياعمي بلاش اشكي لاصرت انا المنقهر مني وقاهرني يادمع مافاد تضبيطي ولا حبكي يادمع ياداقق ابوابي وزايرني اعنز على جدر من ظلما السهر واتكي واللي كسر ظهر جدر الليل كاسرني يادمع واعدتك الليلة عشان احكي ارجوك بالله عجل لاتاخرني مليت من شبك اصابيعي ومن فركي من شي والله فقع قلبي وقاهرني مادد لسقف السماء السابعة سلكي الناس تظلم ورب الناس ناصرني ياحاشرين انفهم في كوني وفلكي مالله على الأرض - دامي فوق -  جابرني تحت اعين الرب مصنوعة خشب فلكي وف تربة البذل والخيرات  باذرني سكران بالدمع مو سكران بالويسكي ادور ل صوت ذبانة تقاشرني تقاسم الناس من شمعي ومن كعكي واغتابوا اسمي وانا اسمي من يعطرني الطيب عودي وتطنيش الخطا مسكي ماسبني غير واحد مو معاشرني ماني العمودي في اسواقه ولا والكعكي لكن في الطيب ماتاجر يكاسرني  بنك الدم الوارف السيال هو بنكي يوم ان بنك الدراهم مو معبرني تفوح روحي وزهرة نبضتي تذكي  والقلب في فروه الدا...

________ أمّا بعد :  وسيبوا اللي راح قبل أمّا بعد وذي رسالة من فقير الى ثريّة ، مبغى أطيل : ياحلو شكلك ياعهد ، خذتي حلا امك ياعهد وكل عام انتي وامّك في رخاء وزنجبيل قولي لماما ياعهد ، قولي ترى هذا الولد يبغى وظيفة دون راتب ،  لاكثير ولاقليل ابغى اشتغل ( سوّاق ) نظرات الاميرة للابد او اشتغل ( خادم ) لكعب الآنسة والموزمزيل او ( حارس أمن ) اقراط أذانيها وحلمات النهد والا ( مدير اعمال ) ريحة لوشن الجسم الثقيل او ( سُفرجي )ضحكاتها واسنانها البِيض البرَد او ( عامل أرفُف ) نومها ، إن استطعت لها سبيل والاّ ( منسّق ورد ) فستان التبغدد والرغد فستان ذات اللحم والشيفون والذيل الطويل ان وافقت لك ياعهد ، داومت من يوم الاحد وان كان عيّت ياعهد ، ماني من أمّك مُستقيل