مدونة الشاعر والكاتب عبدالمجيد الزهراني

الدمعة اللي تخبيني تحت رمشها ياحزن تنويمها عيني وتفويقها ياساق ماعاد لك خطوة واقول امشها والارض ياوسعها والنفس ياضيقها هذي طيوري تراوح في مدى عشها مدري طيوري متى بيكون تحليقها ؟ تعبت وانا ارمي الاحزان و اطشها وارجع لتجميع دمعاتي وتفريقها تعبت من كذبة الدنيا ومن غشها مليت تكذيبها ، مليت تصديقها تعبت اسامح بقولة : مشها مشها والطيبة اللي وسط قلبي نشف ريقها

ابغى دقايق وانا وحدي عشان ابكي ماودي ابكي وخلق الله تناظرني اشكي على مين ياعمي بلاش اشكي لاصرت انا المنقهر مني وقاهرني يادمع مافاد تضبيطي ولا حبكي يادمع ياداقق ابوابي وزايرني اعنز على جدر من ظلما السهر واتكي واللي كسر ظهر جدر الليل كاسرني يادمع واعدتك الليلة عشان احكي ارجوك بالله عجل لاتاخرني مليت من شبك اصابيعي ومن فركي من شي والله فقع قلبي وقاهرني مادد لسقف السماء السابعة سلكي الناس تظلم ورب الناس ناصرني ياحاشرين انفهم في كوني وفلكي مالله على الأرض - دامي فوق -  جابرني تحت اعين الرب مصنوعة خشب فلكي وف تربة البذل والخيرات  باذرني سكران بالدمع مو سكران بالويسكي ادور ل صوت ذبانة تقاشرني تقاسم الناس من شمعي ومن كعكي واغتابوا اسمي وانا اسمي من يعطرني الطيب عودي وتطنيش الخطا مسكي ماسبني غير واحد مو معاشرني ماني العمودي في اسواقه ولا والكعكي لكن في الطيب ماتاجر يكاسرني  بنك الدم الوارف السيال هو بنكي يوم ان بنك الدراهم مو معبرني تفوح روحي وزهرة نبضتي تذكي  والقلب في فروه الدا...

________ أمّا بعد :  وسيبوا اللي راح قبل أمّا بعد وذي رسالة من فقير الى ثريّة ، مبغى أطيل : ياحلو شكلك ياعهد ، خذتي حلا امك ياعهد وكل عام انتي وامّك في رخاء وزنجبيل قولي لماما ياعهد ، قولي ترى هذا الولد يبغى وظيفة دون راتب ،  لاكثير ولاقليل ابغى اشتغل ( سوّاق ) نظرات الاميرة للابد او اشتغل ( خادم ) لكعب الآنسة والموزمزيل او ( حارس أمن ) اقراط أذانيها وحلمات النهد والا ( مدير اعمال ) ريحة لوشن الجسم الثقيل او ( سُفرجي )ضحكاتها واسنانها البِيض البرَد او ( عامل أرفُف ) نومها ، إن استطعت لها سبيل والاّ ( منسّق ورد ) فستان التبغدد والرغد فستان ذات اللحم والشيفون والذيل الطويل ان وافقت لك ياعهد ، داومت من يوم الاحد وان كان عيّت ياعهد ، ماني من أمّك مُستقيل

الحكومة شي ضروري _________________   انا يافيصل اقلّك الحكومة يعني ايش يعني لوماهي الحكومة احنا لايمكن نعيش.   يعني حتى الصورة توضح لك شويّه : مثلما الغدّة النخاميّة مهمة للدماغ الحكومة شي ضروري يعني هذي , زيّ هذي هيّه هيّه شفت كيف ان الحكومة شي ضروري لبقاء البشريّة ؟   يعني حتى الصورة تقرب لك يافيصل: الحكومة شي ضروري مثلها مثل السيارة مثل بابا مثل ماما مثل خزّان العمارة.     - بابا بابا...الحتومة ذيّ ذيّ خالو حسام ؟ - صح حبيبي يالله نام .

(أتبذرن ) (أتنيبت ) (اتغيصن )لك ، (اتسنبل) يااللي بقطرة من الما تنوي احراقي دام انت وياي غصن العمر مايذبل لو طارت الريح باغصاني وباوراقي مستقبلي انت مالي ايّ مستقبل يا الصرخة اللي تثور من اخر اعماقي عليش بالله يعني لازم استعجل مادامت ارزاق غيري ماهي ارزاقي ولافي اصعب من ان الحلم يتأجل وانه من القيد عاجز ينطلق ساقي ماغير اودّع في الاحباب واستقبل وهم يروحون وانا خلفهم باقي

ياكيف بانزل في الذكرى وكيف اطلع والحلق مخنوق بالآهات والياقة الوقت كالصيف ان لم تقطعه يقطع والصيّف قرّب وحنّا ناس عشّاقه يابنت هالشغل مايجدي ولاينفع اما افتحي الباب والا فكي الطاقة ماعاد عندي طموح اكبر ولا اوسع غير اني اقطف لوعدك وردة الباقة واقابلك بين خصر ونصر واتمتع ب ( وردي ) الفم و ب ( أزرق ) تدفّاقه لي معك عشرة عطر ، اشمٌها واسمع ولي بعيرين فيك ولي بعد ناقة